An Jet d'Eau (pagsayod sa Pranses: [ʒɛ do], Sumpit-tubig) sarong dakulang pasumpitan nin tubig sa Geneva, Switzerland, asin saro ini sa pigdadayong dalanon kan mga turista sa syudad na ini. Sabihon pa, ini an sarong destinasyon na pigtotolod kan gobyerno kan syudad asin yaon sa panturismong websityo kaini, mala ta ginamit man ngani ining logo kan syudad kan an Geneva nghost asin nagpadagos kan si Kampeonato sa UEFA kan taon 2008. An pasumpitan namomogtak sa tongod kun saen nawa'wa' an tubig kan Danaw Geneva sa Rhône. Hiling-hiling ini saen man na lugar sa laog kan siyudad asin sa ayre man, dawa an langkaw sa ayre may altitud na 10 kilometro (33,000 pye).
Limang gatos na litro (110 imp gal; 130 US gal) nin tubig lambang segundo an isinusumpit asin ibinubuga kan duwang bombang may pwersang 500 kilowatt, nag'ooperar sa voltageng 2,400, asin nagkukunsumong sarong megawatt. An tubig nakupsit sa nga'ngaan sa rikas na 200 kilometro oras-oras (120 mph), an diametro kan ngimot apat na pulgada (10 sm). An pinakalangkaw na topga kan tubig naabot 140 metro (460 pye) an taas. Sa operasyon kaini anoman na momento, igwa daang 7,000ng litrong tubig (1,500 imp. gal; 1,800 US gal) an yaon sa ayre. Sa pagsangle kan direksyon kan duros, an mga bisita pwedeng bigla maapgihan kan tubig na nagbubuga.
An pinakaenot daang Jet d'Eau pig'instalar kan 1886 sa Usine de la Coulouvrenière, hara-harayo sa presenteng lokasyon, pa'ilawod. Ini ginamit bilang pa'sangawan(safety valve) sa hidrolikong power network na gamit kaidto para sa pagtratrabaho sa pag'aalahas, asin na'olanto an tubig sa langkaw na 30 metro (98 pye). Kan 1891, nahiling an gayon sa mata kan siring na Sumpit asin ini pig'isog sa presenteng lugar sa pagrokyaw kan inapod na Federal Gymnastics Festival asin an ika-600ng na anibersaryo kan Swiss Confederation, asin sa okasyon na ini iyo an enot na gayong pag'operar kaini. An taas kaidto 90 metro(295 pye). An presenteng Pasumpitan pigkaag kan 1951 sa sarong medyo-lubog na istasyon nin bombahan na nahigop nin tubig-danaw imbes na hale sa aguas potables kan syudad. Poon 2003, an Sumpit pig'operar bilog na aldaw sa bilog na taon, maliban sana kun grabe an frost o malaen an kusog kan duros. Ini na'operar man kun banggi sa panahon nin spring asin autumn asin naiilawan nin sarong pompong na 21 bombilya na an konsumo 9 na kw.
